Dec 18 2024

नेपाल प्रहरी, ट्राफिक प्रहरी तथा यातायात व्यवसायीहरुसँग अन्तरक्रिया कार्यक्रम

नेपाल बीमा प्राधिकरण मधेश प्रदेश कार्यालयद्वारा नेपाल प्रहरी, ट्राफिक प्रहरी, तथा यातायात व्यवसायीहरुसँग बीमा सम्बन्धी अन्तरक्रिया कार्यक्रम सम्पन्न : नेपाल बीमा प्राधिकरण मधेश प्रदेश कार्यालयको आ.व ०8१/०8२ को स्वीकृत वार्षिक कार्यक्रम अनुसार नेपाल प्रहरी, ट्राफिक प्रहरी, तथा यातायात व्यवसायीहरुसँग अन्तरक्रिया तथा छलफल कार्यक्रम रहेको हुँदा चन्द्रपुर, रौतहट स्थित ईलाका प्रहरी कार्यालय, जिल्ला ट्राफिक कार्यालय तथा रौतहट जिल्लाका बस तथा ट्रक यातायात व्यवसायीहरु, अन्य सरोकारवालाहरुसँग अन्तरक्रिया तथा छलफल कार्यक्रम मिति 208१/08/1९ गतेमा मधेश प्रदेश चन्द्रपुर, रौतहट स्थित ईलाका प्रहरी कार्यालय, जिल्ला ट्राफिक कार्यालय तथा रौतहट जिल्लाका बस तथा ट्रक यातायात व्यवसायीहरु, अन्य सरोकारवालाहरुसँग कार्यक्रम चन्द्रपुर, रौतहटमा सम्पन्न भयो। उक्त कार्यक्रमको सभापतित्व नेपाल बीमा प्राधिकरण मधेश प्रदेश कार्यालय प्रमुख श्री प्रीति देवज्यूले गर्नु भएको थियो। प्रमुख अतिथिको रुममा ईलाका प्रहरी कार्यालयका प्रमुख प्रहरी नयाब उपरीक्षक श्री राज कुमार राई, विशेष अतिथि जिल्ला ट्राफिक प्रहरी कार्यालयका प्रमुख प्रहरी निरीक्षक श्री लोकेन्द्र अधिकारी, र अतिथिहरु रौतहट ट्रक यातायात व्यवसायी संघका अध्यक्ष श्री ध्रुव अर्याल तथा रौतहट बस यातायात व्यवसायी संघका सचिव श्री घनश्याम गुप्ता रहनु भएको थियो। उक्त कार्यक्रमको सञ्चालन नेपाल बीमा प्राधिकरणका सहायक निर्देशक रोशन कुमार महासेठले, स्वागत मन्तवय सहायक निर्देशक रोमिला शर्माले तथा प्रस्तुतीकरण यस प्राधिकरण मधेश प्रदेश प्रमुख श्री प्रीति देवले गर्नुभएको थियो। कार्यक्रममा निर्जीवन बीमा तर्फ रहेका अभिकर्ताहरु, सर्भेयरहरु, कृषि प्राविधिकहरु, अन्य सरोकारवालाहरुको सहभागिता रहेको थियो। कार्यक्रममा सहभागीहरुले No Claim Discount तेस्रो पक्ष बीमामा लागु हुन्छ कि हुदैन? License प्राप्त व्यक्तीले अरुको निजी सवारीबाट दुर्घटना भएमा दावी हुने हो कि होईन? बीमाको अन्तिम मितिमा सवारि चोरी भएमा दावी हुने हो कि होईन? दुर्घटना पश्चात प्रहरी प्रतिवेदन विषयमा जिज्ञासा राखेको थियो? सवारीहरुको नेपाली बीमाले भारतमा चोरी भएकोमा बीमा दावी पाउछ कि पाउदैन? सवारी दुर्घटनामा घाईते भएकालाई औषधीउपचार खर्चमा तीनलाखको Limit लाई सन्सोधन गर्नुपर्छ भने विषयमा अवाज उठेको थियो? सवारी दुर्घटनापछि सर्भेयर खटाईन्छ तर फेरी Re:survey गराउनु उचित नहुने विषयमा कुरा उठेको थियो? सवारी दुर्घटनामा घाईते भएकालाई औषधीउपचार खर्चमा तीनलाखबाट बढाउनु पर्छ र त्यसको बीमा शुल्क बढाएर लिदा बिमितलाई आपत्ती नहुने र यो मस्यौदामा रहेको सवारी साधन बीमादर निर्देशन, २०८० मा राख्नलाई आग्रह गर्नुभयो? जस्ता प्रश्नहरु तथा सुझावहरुमाथि अन्तरक्रिया तथा छलफल गरिएको थियो । कार्यक्रममा मनत्वय राख्ने क्रममा शिखर ईन्स्योरेन्सका प्रदेश प्रमख, त्यसैगरी आई जि आई प्रुडेन्सियल ईन्स्योरेन्सका प्रदेश प्रमख, अतिथि रौतहट ट्रक यातायात व्यवसायी संघका अध्यक्ष श्री ध्रुव अर्याल, त्यसैगरी रौतहट बस यातायात व्यवसायी संघका सचिव श्री घनश्याम गुप्ता, प्रमुख अतिथिको रुपमा ईलाका प्रहरी कार्यालयका प्रमुख प्रहरी नयाब उपरीक्षक श्री राज कुमार राईज्यूले आ-आफ्नो मनत्वयमा मोटर बीमामा दुर्घटना पश्चात समस्याहरु तथा झन्झटलाई गम्भीरताका साथ समाधान गरी अघि बढ्नु पर्ने कुरालाई जोड दिदै प्राधिकरणले सम्पूर्ण सरोकारवालालाई समेटि यस्तो भव्य कार्यक्रम गरेकोमा नेपाल बीमा प्राधिकरण मधेस प्रदेश कार्यालयलाई आयोजनाको लागि धन्यवाद ज्ञापन गर्नुभयो । कार्यक्रमको समापनमा प्राधिकरणको मधेश प्रदेश कार्यालय प्रमुख श्री प्रीति देवज्यूले बीमा गर्दा कानूनी व्यवस्था बारेमा राम्ररी बुझि गर्नुपर्दछ तथा मस्यौदामा रहेको सवारी साधन बीमादर निर्देशन, २०८० को व्यवस्था बारे उपस्थित सम्पूर्ण सरोकारवालाहरुलाई जानकारी गराउनु भयो सर्भेयरहरुले न्याय तथा कानून संगत प्रतिवेदन तयार गरी समयमा बझाउनुपर्ने विषयमा सम्बोदन गर्दै छलफलका क्रममा उठेका प्रश्न एवं जिज्ञासालाई स्पष्ट पार्दै कार्यक्रम समापन गर्नुभएको थियो।